ახალი საქართველოს უნივერსიტეტი

2018 წლის 7 დეკემბერს, 17:00 საათზე, ახალი საქართველოს უნივერსიტეტში გაიმართება ფილოსოფიის დოქტორის, ასოც. პროფესორ გიორგი ხუროშვილის ლექცია თემაზე: „პლატონი და არისტოტელე ისლამური პოლიტიკური ფილოსოფიის სათავეებთან“. ლექციის ფარგლებში შედგება ასოც. პროფესორ გიორგი ხუროშვილის ახალი ნაშრომის „პლატონი ალ-ფარაბის პოლიტიკურ ფილოსოფიაში“ პრეზენტაცია.

2018 წლის 5 დეკემბერს, 15:00 საათზე, ახალი საქართველოს უნივერსიტეტში გაიმართება ასისტენტ-პროფესორის, არქიმანდრიტ დიონისე გვიმრაძის ლექცია თემაზე: „წმინდა წერილი და წმინდა გარდამოცემა“. 

2018 წლის 2 ნოემბერს, 14:00 საათზე, გაიმართება პრეზენტაცია უნგრეთის უნივერსიტეტებში გაცვლითი პროგრამების შესახებ, პრეზენტაციას გაუძღვება საქართველოში უნგრეთის ელჩის მოადგილე ანიკო ფარკასი. 

2018 წლის 31 ოქტომბერს, 16:00 საათზე, ახალი საქართველოს უნივერსიტეტში გაიმართება შეხვედრა საქართველოში ნიდერლანდების სამეფოს საგანგებო და სრულუფლებიან ელჩთან  ბატონ იოშ დოუმასთნ. 

2018 წლის 31 ოქტომბერს, უნივერსიტეტს ეწვევა უნგრეთის საგანგებო და სრულუფლებიანი ელჩი საქართველოში ქ-ნი ვიქტორია ჰორვატი, რომლის ფარგლებშიც, 13:30 საათზე, გაიმართება შეხვედრა უნივერსიტეტის პროფესორ-მასწავლებლებთან და სტუდენტებთან. 

2018 წლის 10 ოქტომბერს, 15:00 საათზე, ახალი საქართველოს უნივერსიტეტში გაიმართება საქართველოში მიღვაწე თეოლოგების, საქართველოს მართლმადიდებელი ეკლესიის სასულიერო პირებისა და სტუდენტების შეხვედრა დიოკლიის მიტროპოლიტ კალისტე უეართან.

2018 წლის 9 ოქტომბერს, 14:00 საათზე, ახალი საქართველოს უნივერსიტეტში გაიმართება დიოკლიის მიტროპოლიტ კალისტე უეარისათვის საპატიო დოქტორის წოდების მინიჭების ცერემონია, რომლის ფარგლებშიც მიტროპოლიტი კალისტე წაიკითხავს საზეიმო მოხსენებას თემაზე „შესაქმის მართლმადიდებლური ხედვა“.

2018 წლის 20 სექტემბერს, 17:00 საათზე, ახალი საქართველოს უნივერსიტეტში გაიმართება სემინარი თემაზე: „ნაციონალიზმი და თანამედროვეობა“. სემინარს გაუძღვება ამავე უნივერსიტეტის პროფესორი, პოლიტიკურ მეცნიერებათა დოქტორი, იოახიმ ფონ ვედელი.

2018 წლის 18-19 სექტემბერს ახალი საქართველოს უნივერსიტეტის კავკასიური ფილოსოფიისა და თეოლოგიის სამეცნიერო-კვლევითი არქივის ორგანიზებით გაიმართება საერთაშორისო სამეცნიერო კონფერენცია თემაზე: „სივრცის გაგება გლობალურ სამყაროში - რუსული ევრაზიიზმის იდეა“.

ცხადდება საბუთების მიღება სამაგისტრო პროგრამებზე

ქრისტიანული ფილოსოფიისა და ქრისტიანული ფსიქოლოგიის სამაგისტრო პროგრამებზე სწავლის მსურველთა საბუთების მიღება იწარმოებს 2018 წლის 3 სექტემბრიდან 2018 წლის 22 სექტემბრის ჩათვლით (შაბათ-კვირის გარდა), 10:00-დან 18:00 საათამდე ახალი საქართველოს უნივერსიტეტის დეკანატში (მისამართი: გურიის ქუჩა 1, ქალაქი ფოთი).