ახალი საქართველოს უნივერსიტეტი

2019 წლის 6 მაისს, 15:00 საათზე, ახალი საქართველოს უნივერსიტეტში გაიმართება დმანისისა და აგარაკ-ტაშირის, დიდი ბრიტანეთისა და ირლანდიის მთავარეპისკოპოს ზენონის (იარაჯული) ლექცია „მართლმადიდებლობა და ჩვენი დრო“.

2019 წლის 5 მაისს, ახალი საქართველოს უნივერსიტეტისა და ნიუ-იორკის წმ. ვლადიმირის სემინარიის წარმომადგენელთა შორის სამუშაო შეხვედრა გაიმართება. შეხვედრის ფარგლებში განხილული იქნება სასწავლო და სამეცნიერო პროექტების განხორციელების საკითხები. 

2019 წლის 5 მაისს, 11:00 საათზე, ახალი საქართველოს უნივერსიტეტში გაიმართება სემინარი ეთიკის თანამედროვე მოდელების შესახებ, სემინარს გაუძღვებიან პროფესორები დოდო ლაბუჩიძე-ხოფერია და მიხეილ გოგატიშვილი.

2019 წლის 4 მაისს, 14:00 საათზე, ნიუ-იორკის წმ. ვლადიმირის სემინარიის პრეზიდენტი, დეკანოზი ჩად ჰეტფილდი შეხვდება სასულიერო პირებს, პროფესორ-მასწავლებლებს, სტუდენტებს, საღვთისმეტყველო საკითხებით დაინტერესებულ პირებს. 

2019 წლის 3 მაისს, 14:00 საათზე, ახალი საქართველოს უნივერსიტეტში გაიმართება საპატიო დოქტორის ინაუგურაციის ცერემონია. ჰუმანიტარულ და სოციალურ მეცნიერებათა ფაკულტეტის აკადემიური საბჭოს გადაწყვეტილებით წმ. ვლადიმირის სემინარიის პრეზიდენტს,თეოლოგიის დოქტორსა და პროფესორს, დეკანოზ ჩად ჰეტფილდს, საღვთისმეტყველო განათლების სფეროში შეტანილი განსაკუთრებული წვლილისათვის, მიენიჭა საპატიო დოქტორის წოდება.

ინაუგურაციის ცერემონიის ფარგლებში დეკანოზი ჩად ჰეტფილდი წაიკითხავს საზეიმო მოხსენებას თემაზე: „პროტოპრესვიტერი ალექსანდრე შმემანი და სეკულარიზმი: წინასწარმეტყველური ხმა“. დამსწრეებს გადაეცემათ მოხსენების ტექსტის პირველი ქართული გამოცემა.

ახალი საქართველოს უნივერსიტეტი იწყებს თანამშრომლობას ნიუ-იორკის წმ. ვლადიმირის სემინარიასთან (აშშ). თანამშრომლობის ფარგლებში, იგეგმება სტუდენტებისა და აკადემიური პერსონალის გაცვლა, ერთობლივი კვლევითი პროექტების განხორციელება, სამეცნიერო ღონისძიებების გამართვა, ბიბლიოთეკებს შორის თანამშრომლობა.

ახალი საქართველოს უნივერსიტეტის დიდ საკონფერენციო დარბაზსს საქართველოს პირველი პრეზიდენტის ზვიად გამსახურდიას სახელი მიენიჭა. 2019 წლის 9 აპრილს, 13:00 საათზე, გაიმართება დარბაზის სახელობითი აბრის გახსნის ცერემონია. 

ზოგადი ინფორმაცია: 2019 წლის 14-17 ივლისს, ახალი საქართველოს უნივერსიტეტი გამართავს ზაფხულის სკოლას იდეების ისტორიაში, რომლის ფარგლებშიც 3 დღის განმავლობაში (14, 15, 16 ივლისი) გაიმართება ლექციებისა და სემინარების ციკლი.

2019 წლის 2 აპრილს, 15:00 საათზე, ახალი საქართველოს უნივერსიტეტში გაიმართება უნივერსიტეტის რექტორის, ფილოსოფიის დოქტორის, პროფესორის, ფოთისა და ხობის მიტროპოლიტ გრიგოლის საჯარო ლექცია: „საქართველოს მართლმადიდებელი ეკლესია XX და XXI საუკუნეების მიჯნაზე“. დასწრება თავისუფალია.

2019 წლის 23 მარტს, 13:00 საათზე, ახალი საქართველოს უნივერსიტეტში გაიმართება დოქტორ დავით თინიკაშვილის ლექცია თემაზე: „აღმოსავლელი მამები აპოკატასტასისის შესახებ“.