ახალი საქართველოს უნივერსიტეტი

2018 წლის 21 მარტს, 17:00 საათზე, ახალი საქართველოს უნივერსიტეტში გაიმართება ფილოსოფიის დოქტორის, პროფ. ლალი ზაქარაძის საჯარო ლექცია „კავკასიური ფილოსოფია: ახალი ფილოსოფიური პარადიგმა“.

2018 წლის 15 თებერვალს, 16:00 საათზე, ახალი საქართველოს უნივერსიტეტში, ახალგაზრდა მეცნიერთა კლუბის ფარგლებში გაიმართება სამეცნიერო ღონისძიებათა ციკლის, „ქრისტიანული ფილოსოფიის კლასიკოსები“, მორიგი კონფერენცია, რომელიც მიეძღვნება ადრეული ეპოქის დიდ ქრისტიან მოაზროვნეს წმ. იუსტინე ფილოსოფოსს. 

2018 წლის 8 თებერვალს, 12:00 საათზე, ახალი საქართველოს უნივერსიტეტში გაიმართება სემინარი თემაზე „ეკლესია და სახელმწიფო“. სემინარის მუშაობაში მონაწილეობას მიიღებენ უნივერსიტეტის პროფესორ-მასწავლებლები და სტუდენტები. 

2018 წლის 7 თებერვალს, 13:00 საათზე, ახალი საქართველოს უნივერსიტეტში გაიმართება პოლიტიკურ მეცნიერებათა დოქტორის იოახიმ ფონ ვედელის პროფესორად ინაუგურაციის ცერემონია, რომლის ფარგლებშიც პროფ. ვედელი წაიკითხავს საინაუგურაციო  მოხსენებას: „მითოსი პოლიტიკაში“. 

2018 წლის 6 თებერვალს, 12:00 საათზე, ახალი საქართველოს უნივერსიტეტში გაიმართება სამეცნიერო სემინარი კულტურის ფილოსოფიის შესახებ. სემინარს გაუძღვება პროფესორი იოახიმ ფონ ვედელი. 

2018 წლის 5 თებერვალს, 12:00 საათზე, ახალი საქართველოს უნივერსიტეტში გაიმართება სამეცნიერო სემინარი ისლამური ფილოსოფიის შესახებ. სემინარს გაუძღვება პროფესორი იოახიმ ფონ ვედელი. 

2018 წლის 30 იანვარს, 16:00 საათზე, ახალი საქართველოს უნივერსიტეტში გაიმართება ასოც. პროფესორ მაგდა მჭედლიძის მოხსენება თემაზე: „იოანე პეტრიწის 'განმარტების' ტექსტის კრიტიკისათვის“.  მაგდა მჭედლიძე არის ივ. ჯავახიშვილის სახელობის თბილისის სახელმწიფო უნივერსიტეტის ასოცირებული პროფესორი და ამავე უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის მკვლევარი. 

2017 წლის 18 დეკემბერს, 11:00 საათზე, ახალი საქართველოს უნივერსიტეტის ახალგაზრდა მეცნიერთა კლუბის ფარგლებში გაიმართება კონფერენცია თემაზე: „ქრისტიანული ფილოსოფიის კლასიკოსები: ნეტარი ავგუსტინე“. კონფერენციაზე მოხსენებით წარსდგებიან ქრისტიანული ფილოსოფიის სამაგისტრო პროგრამის II კურსის სტუდენტები. 

2017 წლის 5 დეკემბერს, 12:00 საათზე,  ახალი საქართველოს უნივერსიტეტში, განგრძობადი განათლების პროგრამის („ქრისტიანობა და თანამედროვეობა“) ფარგლებში, გაიმართება თეოლოგიის დოქტორის დეკანოზ ალექსი ქშუტაშვილის მოხსენება თემაზე „ბიოეთიკის საკითხები საეკლესიო სამართლის კონტექსტში“.