ახალი საქართველოს უნივერსიტეტი

2020 წლის 30 იანვარს, 17:00 საათზე, ახალი საქართველოს უნივერსიტეტში გაიმართება კავკასიური ფილოსოფიისა და თეოლოგიის სამეცნიერო-კვლევითი არქივის ორი ახალი გამოცემის პრეზენტაცია:

▪ თენგიზ ირემაძე - იოანე პეტრიწი, ინგლისურიდან თარგმნა ბესიკ მაშავამ.

▪ ჰანს-გეორგ გადამერი - ყოფიერება-სული-ღმერთი, ინგლისურიდან თარგმნა მიხეილ გოგატიშვილმა.

2020 წლის 25 იანვარს, 12:00 საათზე,  ახალი საქართველოს უნივერსიტეტში გაიმართება ჰააგის საერთაშორისო სისხლის სამართლის სასამართლოს საქართველოს ოფისის ხელმძღვანელის, დოქტორი კაუპო კანდის ლექცია თემაზე: „ჰააგის სასამართლოს საქმიანობა საქართველოში“. 

2020 წლის 24 იანვარს, 15:00 საათზე, ახალი საქართველოს უნივერსიტეტში გაიმართება სემინარი თემაზე: „ფილოსოფიის სათავეები და საქართველო“. სემინარს გაუძღვება ფილოსოფიის დოქტორი კაუპო კანდი. 

2019 წლის 5 დეკემბერს, 16:00 საათზე, ახალი საქართველოს უნივერსიტეტში გაიმართება კავკასიური ფილოსოფიისა და თეოლოგიის სამეცნიერო-კვლევითი არქივის ახალი გამოცემის პრეზენტაცია:

ქრისტოს იანარასი - ფსიქოანალიზი და მართლმადიდებლური ანთროპოლოგია

ტექსტი ქართულად თარგმნა ასოც. პროფესორმა გიორგი ხუროშვილმა.

რედაქტორი: პროფ. თენგიზ ირემაძე

2019 წლის 30 ნოემბერსა და 1 დეკემბერს, ახალი საქართველოს უნივერსიტეტში გაიმართება ტრეინინგი თემაზე „ლიდერობა და ეფექტური კომუნიკაცია“. ტრეინინგს გაუძღვება ახალი საქართველოს უნივერსიტეტის სოციალური კვლევების ლაბორატორიის ხელმძღვანელი ასოც.პროფ. ირაკლი კახიძე. ტრეინინგში მონაწილეობას მიიღებენ ქ.ფოთის წმ. ნიკოლოზის სკოლის X, XI, XII კლასების მოსწავლეები.

2019 წლის 31 ოქტომბერს, 13:30 საათზე, ახალი საქართველოს უნივერსიტეტში გაიმართება დისკუსია პერგამონის მიტროპოლიტ იოანე ზიზიულასთან. დასწრება თავისუფალია. 

2019 წლის 30 ოქტომბერს, 13:00 საათზე, ახალი საქართველოს უნივერსიტეტში გაიმართება საზეიმო ცერემონია, რომლის ფარგლებშიც პერგამონის მიტროპოლიტ იოანეს (ზიზიულასი) მიენიჭება საპატიო დოქტორის წოდება. ცერემონიაზე მიტროპოლიტი იოანე წაიკითხავს მოხსენებას თემაზე: „მართლმადიდებლური თეოლოგია და თანამედროვე ანთროპოლოგია“.

2019 წლის 19 ოქტომბერს, 15:00 საათზე, ახალი საქართველოს უნივერსიტეტში გაიმართება პროფესორ ჰელმუტ შნაიდერის სემინარი: „სულისა და სხეულის ურთიერთმიმართების პრობლემა ანტიკურ აზროვნებაში“. დასწრება თავისუფალია.

2019 წლის 18 ოქტომბერს, 10:00 საათზე, ახალი საქართველოს უნივერსიტეტში გაიმართება შემაჯამებელი შეხვედრა ურბინოს უნივერსიტეტის პროფესორ ჯაკომო რინალდისთან. შეხვედრის ფარგლებში პროფ. რინალდი სერტიფიკატებს გადასცემს სამი კვირის განმავლობაში მის ხელმძღვანელობით გამართული ლექცია-სემინარების მონაწილეებს. 

2019 წლის 17 ოქტომბერს, 17:00 საათზე, ახალი საქართველოს უნივერსიტეტში გაიმართება კავკასიური ფილოსოფიისა და თეოლოგიის სამეცნიერო-კვლევითი არქივის ახალი გამოცემის პრეზენტაცია:

თენგიზ ირემაძე - „შუა საუკუნეების ქართული ფილოსოფია. სისტემური მონახაზი მისი სპეციფიკის გასაგებად“.