სიახლეები
კონფერენცია: „ქრისტიანული ჰერმენევტიკა - ისტორია და თანამედროვეობა“
2019 წლის 12 თებერვალს, ახალი საქართველოს უნივერსიტეტში გაიმართა სამეცნიერო კონფერენცია „ქრისტიანული ჰერმენევტიკა - ისტორია და თანამედროვეობა“. კონფერენციაზე განხილული იქნა ქრისტიანული ჰერმენევტიკის აქტუალური საკითხები, მასში მონაწილეობდნენ უნივერსიტეტის კავკასიური ფილოსოფიისა და თეოლოგიის სამეცნიერო-კვლევითი არქივის მეცნიერ-თანამშრომლები და მკვლევარები. კონფერენციას ესწრებოდა უნივერსიტეტის რექტორი, ფოთისა და ხობის მიტროპოლიტი გრიგოლი, პროფესორ-მასწავლებლები, სტუდენტები და სასულიერო პირები.
კონფერენციაზე წარმოდგენილი იყო შემდეგი მოხსენებები:
ასოცირებული პროფესორი გიორგი ხუროშვილი: „ჰერმენევტიკა და ქრისტიანული ჰერმენევტიკა - მეთოდები და პარადიგმები“;
ასისტენტ-პროფესორი, არქიმანდრიტი დიონისე გვიმრაძე: „ქრისტიანული ჰერმენევტიკის ძველი და ახალი მოდელები“;
ქრისტიანული ფილოსოფიის მკვლევარი ნიკოლოზ კოპალეიშვილი: „ქრისტიანული ჰერმენევტიკის დაფუძნება ნეტარ ავგუსტინესთან“;
ქრისტიანული ფილოსოფიის მკვლევარი ბესიკ მაშავა: „თეოდორე აბუკურას ჰერმენევტიკული მეთოდი“.
