News
2019 წლის 30 მაისს, ახალი საქართველოს უნივერსიტეტში გაიმართა კავკასიური ფილოსოფიისა და თეოლოგიის სამეცნიერო-კვლევითი არქივის ახალი გამოცემის პრეზენტაცია: „ქრისტიანული ფილოსოფიის სათავეებთან - კლიმენტ ალექსანდრიელი, კაბადოკიელი მამები, გაიუს მარიუს ვიქტორინუსი, ნეტარი ავგუსტინე, ბოეციუსი“. კრებულის რედაქტორები: თენგიზ ირემაძე, ჰელმუტ შნაიდერი, გიორგი ხუროშვილი. პრეზენტაციას ესწრებოდნენ უნივერსიტეტის პროფესორ-მასწავლებლები, სტუდენტები, ქ. ფოთის მთავრობისა და საკრებულოს წარმომადგენლები, სასულიერო პირები, საჯარო სკოლების პედაგოგები. პრეზენტაციის დასასრულს ახალი გამოცემა დამსწრეებს საჩუქრად გადაეცათ.
2019 წლის 29 მაისს, ახალი საქართველოს უნივერსიტეტში გაიმართა პროფესორ ჰელმუტ შნაიდერის ლექცია: „მოძღვრება ტრანსცენდენტალიების შესახებ: მშვენიერება, ჭეშმარიტება, თავისუფლება“. ლექციის ფარგლებში პროფესორმა შნაიდერმა მშვენიერების, ჭეშმარიტებისა და თავისუფლების იდები განიხილა ესთეტიკის, ხელოვნებისა და იდეალისტური ფილოსოფიის კონტექსტში. ლექცია აქტიური დისკუსიის თანხლებით წარიმართა.
2019 წლის 24-25 მაისს, ახალი საქართველოს უნივერსიტეტში გაიმართა დოქტორანტთა I ინტერდისციპლინური სამეცნიერო კონფერენცია. კონფერენციაზე მოხსენებით წარსდგა საქართველოს სხვადასხვა უნივერსიტეტის 18 დოქტორანტი ფილოსოფიის, ფსიქოლოგიის, პოლიტიკური მეცნიერების, ისტორიისა და ფილოლოგიის სფეროებიდან. კონფერენცია გახსნეს ახალი საქართველოს უნივერსიტეტის რექტორმა, ფოთისა და ხობის მიტროპოლიტმა გრიგოლმა და კავკასიური ფილოსოფიისა და თეოლოგიის სამეცნიერო-კვლევითი არქივის დირექტორმა პროფ. თენგიზ ირემაძემ. კონფერენციაზე გამართულ დისკუსიებში მონაწილეობას იღებდნენ ახალი საქართველოს უნივერსიტეტის პროფესორ-მასწავლებლები, სტუდენტები და სასულიერო პირები.
2019 წლის 23 მაისს, ახალი საქართველოს უნივერსიტეტში გაიმართა კურსდამთავრებულთა ასოციაციის ღონისძიება - პრეზენტაცია თემაზე: „საფილოსოფიო-საღვთისმეტყველო განათლება და ახალი საქართველოს უნივერსიტეტის საქმიანობა“. პრეზენტაციას ესწრებოდნენ ქ. ფოთის საჯარო სკოლების პედაგოგები და მოსწავლეები.
სპიკერები:
- სევერიან შენგელია, ასოციაციის პრეზიდენტი - შესავალი სიტყვა.
- სოფიო ტალახაძე - განათლებისა და ცოდნის მიღების ფსიქოლოგიური ასპექტები.
- ნიკოლოზ კოპალეიშვილი - ახალი საქართველოს უნივერსიტეტის კვლევითი მიზნები და ამოცანები.
- ბესიკ მაშავა - ცოდნისა და რწმენის პარადიგმა თანამედროვეობაში.
2019 წლის 11 მაისს, ახალი საქართველოს უნივერსიტეტში გაიმართა სემინარი „მშვენიერების გაგება პლატონიზმსა და ქრისტიანულ ნეოპლატონიზმში“. სემინარს უძღვებოდა ფილოსოფიის პროფესორი ჰელმუტ შნაიდერი. სემინარის მუშაობაში მონაწილეობას იღებდნენ უნივერსიტეტის პროფესორ-მასწავლებლები, ქრისტიანული ფილოსოფიის დოქტორანტები და მაგისტრანტები. სემინარის ფარგლებში განხილული იქნა მშვენიერების პლატონისეული იდეის ტრანსფორმაცია პლატონიზმსა და ქრისტიანულ ნეოპლატონიზმში, კერძოდ კი პლოტინთან და წმ. დიონისე არეოპაგელთან. სემინარი დისკუსიის თანხლებით წარიმართა.
2019 წლის 10 მაისს, ახალი საქართველოს უნივერსიტეტში გაიმართა სემინარი „მშვენიერების იდეა პლატონის ფილოსოფიაში“. სემინარს უძღვებოდა ფილოსოფიის პროფესორი ჰელმუტ შნაიდერი. სემინარის მუშაობაში მონაწილეობას იღებდნენ უნივერსიტეტის პროფესორ-მასწავლებლები, სტუდენტები და სასულიერო პირები, სემინარს, ასევე, ესწრებოდნენ ბათუმის შოთა რუსთაველის სახელმწიფო უნივერსიტეტის სტუდენტები. სემინარის ფარგლებში განხილული იქნა მშვენიერების პლატონური იდეა, „ნელი კითხვის მეთოდით“ მონაწილეებმა გაანალიზეს პლატონის დიალოგ „ნადიმის“ ფრაგმენტები. სემინარი დისკუსიის თანხლებით წარიმართა.
ახალი საქართველოს უნივერსიტეტის ფილოსოფიის პროფესორს, ჰელმუტ შნაიდერს ქ. ფოთის საპატიო მოქალაქის წოდება მიენიჭა. საზეიმო ღონისძიება გაიმართა 5 მაისს, ქ. ფოთის დღესასწაულის ფარგლებში გამართული საზეიმო ღონისძიებების ფარგლებში. ქ. ფოთის მერმა ბ-ნმა გოჩა კურდღელიამ ქალაქის საგნმანათლებლო ცხოვრებაში შეტანილი წვლილისათვის პროფესორ შნაიდერს საპატიო მოქალაქის წოდება მიანიჭა. აღსანიშნავია, რომ 2015 წლიდან დღემდე პროფეორი შნაიდერი ყველწლიურად სტუმრობს ქ ფოთს და ახალი საქართველოს უნივერსიტეტში ატარებს ლექცია/სემინარებს. პროფ. შნაიდერი 1988-2003 წ.წ.-ში იყო ბოხუმის ჰეგელის არქივის დირექტორი. იგი არის რამდენიმე საერთაშორისო სამეცნიერო სერიის გამომცემელი და სარედაქციო საბჭოს წევრი, მრავალი პუბლიკაციის ავტორი და თანაავტორი.
2019 წლის 6 მაისს, ახალი საქართველოს უნივერსიტეტში გაიმართა დმანისისა და აგარაკ-ტაშირის, დიდი ბრიტანეთისა და ირლანდიის მთავარეპისკოპოს ზენონის (იარაჯული) ლექცია „მართლმადიდებლობა და ჩვენი დრო“. ლექციას ესწრებოდნენ უნივერსიტეტის პროფესორ-მასწავლებლები, სტუდენტები და სასულიერო პირები. ლექციის ფარგლებში, მთავარეპისკოპოსმა ზენონმა ისაუბრა ეკლესიის მამების საღვთისმეტყველო-ფილოსოფიური შემოქმედების შესახებ და თანამედროვე საგანმანათლებლო-საუნივერსიტეტო სივრცეში ამ მემკვიდრეობის ინტეგრირების აუცილებლობაზე. მან, ასევე, განიხილა ამ მემკვიდრეობის აღმოსავლური და დასავლური მოდელები. ლექცია აქტიური დისკუსიის თანხლებით წარიმართა.
ახალი საქართველოს უნივერსიტეტისა და ნიუ-იორკის წმ. ვლადიმირის სემინარიის წარმომადგენელთა შორის სამუშაო შეხვედრა გაიმართა. შეხვედრაში მონაწილეობდნენ ახალი საქართველოს უნივერსიტეტის რექტორი, ფოთისა და ხობის მიტროპოლიტი გრიგოლი, წმ. ვლადიმირის სემინარიის პრეზიდენტი, დეკანოზი ჩად ჰეტფილდი და უნივერსიტეტის პროფესორ-მასწავლებლები. სამუშაო შეხვედრაზე განხილული იქნა ორ ინსტიტუციას შორის გაფორმებული თანამშრომლობის მემორანდუმის იმპლემენტაციის საკითხები, დაიგეგმა კონკრეტული სამეცნიერო, სასწავლო და მათარგმნელობითი პროექტები.
2019 წლის 4 მაისს, ახალი საქართველოს უნივერსიტეტში გაიმართა სემინარი ეთიკის თანამედროვე მოდელების შესახებ, სემინარს უძღვებოდნენ უნივერსიტეტის პროფესორები დოდო ლაბუჩიძე-ხოფერია და მიხეილ გოგატიშვილი, მასში მონაწილეობდნენ უნივერსიტეტის ქრისტიანული ფილოსოფიის სამაგისტრო და სადოქტორო პროგრამების სტუდენტები. სემინარის ფარგლებში განხილული იქნა ეთიკის მოდელები თანამედროვე ფრანგულ და ამერიკულ აზროვნებაში.
