ნარგიზ თავართქილაძე
ფილოლოგი, ასოცირებული პროფესორი
1980 წელს დაამთავრა ივ. ჯავახიშვილის სახელობის თბილისის სახელმწიფო უნივერსიტეტის ფილოლოგიის ფაკულტეტი, 1989 წელს დაასრულა იაკობ გოგებაშვილის სახელობის საქართველოს პედაგოგიკის ინსტიტუტის მიზნობრივი ასპირანტურა.
1984-1986 წლებში იყო თბილისის 34-ე ტექნიკური სასწავლებელის ქართული ენისა და ლიტერატურის მასწავლებელი. მოგვიანებით, 1986-1992 წლებში ოზურგეთის რაიონის სკოლებში (ნაგომრი, ბოხვაური) ასწავლიდა ქართულ ენასა და ლიტერატურას.
1999-2002 წლებში იყო წმ. ნინოს სახელობის კატეხიზატორული სასწავლებელის ძველი ქართული ლიტერატურის მასწავლებელი, 2003-2004 წლებში წმ. ნინოს სახელობის თეკლათის დედათა მონასტერთან არსებული გოგონათა სასწავლებელში ასწავლიდა ქართულ ენასა და ლიტერატურას.
2004-2006 იყო ალექსანდრე კუჭუხიძის სახელობის საქართველოს ჰუმანიტარულ-ეკონომიკური უნივერსიტეტის ქართული ლიტერატურის პედაგოგი.
2013 წლიდან არის წმ. ალექსი ბერის სახელობის მართლმადიდებლური სკოლა-გიმნაზიის ქართული ენისა და ლიტერატურის მასწავლებელი.
2015 წლიდან არის ახალი საქართველოს უნივერსიტეტის ასოცირებული პროფესორი ფილოლოგიის მიმართულებით.